Proscenium Dramakompetisie
Welkom by die Proscenium Dramakompetisie! Hierdie splinternuwe veeltalige kompetisie bied aan hoërskoolleerders van graad 8 tot 12 die geleentheid om individueel deel te neem en hul kreatiwiteit op nasionale vlak uit te leef.
kykNET
Wat behels dit?
Jy ontmoet suksesvolle professionele akteurs en ander mentors, en kry geleentheid om skouers te skuur met eendersdenkende kulturele én ander uitblinkers in die land. Kosbare bande word gesmee tydens die finale rondes wat in Kunstekaap plaasvind.
Hierdie is ’n Tribuo-projek
Wat is die doel?
Die doel van die kompetisie is om jong akteurs bekend te stel aan die wêreld van die uitvoerende kunste. Deelnemers word blootgestel aan verskeie fasette van die vermaaklikheidsbedryf, soos teater, televisie, radio en oorklanking. Jy kan hierna beter ingeligte loopbaanbesluite neem. Kosbare bande word gesmee tydens die finale rondes wat in Kunstekaap plaasvind. Skryf nou in en word deel van dié onvergeetlike ervaring.
Tydlyn
Datum | Wat gebeur? | ||||||||||
|---|---|---|---|---|---|---|---|---|---|---|---|
1 September 2023 | Inskrywings open vir 2024 | ||||||||||
26 Januarie 2024 | Sluitingsdatum vir inskrywings | ||||||||||
23 Februarie – 20 Maart 2024 | Uitdunrondes in verskeie sentra | ||||||||||
26 Maart 2024 | Bekendmaking van finaliste | ||||||||||
Finaal in Kunstekaap Teater | |||||||||||
9 Mei 11:00 – 21:00 | Ronde 1 | ||||||||||
10 Mei 11:00 – 15:00 | Ronde 2
| ||||||||||
10 Mei 16:00 | Ronde 3: RSG
| ||||||||||
10 Mei 19:00 | Ronde 3: Suidooster | ||||||||||
10 Mei 19:00 | Ronde 3: Overklank | ||||||||||
11 Mei 9:00 – 17:00 | Repetisies: Finaliste
| ||||||||||
11 Mei 19:00 | Ronde 4 en prysuitdeling | ||||||||||
Voorskrifte aan deelnemers
- Deelnemers mag Afrikaans en/of Engels in hul aanbiedings gebruik. Die gedig in die uitdunronde en tweede ronde kan in enige ander amptelike Suid-Afrikaanse taal aangebied word, maar die kandidaat moet ’n opsomming of vertaling daarvan vooraf aan beoordelaars verskaf.
- Daar sal streng gelet word op die tydsbeperking. Indien deelnemers langer as die voorgeskrewe tyd optree, sal hulle gestop word.
- Na die sluitingsdatum (26 Januarie 2024) sal deelnemers ingelig word oor ’n spesifieke tyd van optrede in die uitdunronde. Verdere praktiese reëlings sal dan ook aan hulle gestuur word. Uitdunrondes word in verskeie sentra in die land aangebied.
- Alle hoërskoolleerders (graad 8 tot 12) mag inskryf, maar almal kompeteer op dieselfde vlak.
- Elke skool, privaat dramaskool of onderwyser mag deelnemers inskryf. Deelnemers kan ook op hul eie inskryf.
- Kandidate neem individueel deel, alhoewel hulle onder die skool, privaat dramaskool of onderwyser se naam inskryf.
- Ná 26 Maart 2024 sal die 60 gekeurde deelnemers aan die finale rondes in kennis gestel word. Dit vind op 9, 10 en 11 Mei 2024 by Kunstekaap Teater in Kaapstad plaas.
Ronde-spesifikasies
Uitdunronde
Ronde een
Ronde twee
Ronde drie
Ronde vier
- ’n Gedig (eie keuse)
-
’n Uittreksel uit ’n prosawerk (eie keuse)
Die program mag nie 6 minute oorskry nie. - ’n Kort improvisasie (Die onderwerp sal deur die beoordelaar gegee word.)
- Na hierdie ronde sal die beoordelaars 60 deelnemers aanwys vir die volgende ronde.
Kompetisiereëls
- Deelnemers mag Afrikaans en/of Engels in hul aanbiedings gebruik. Die gedig in die uitdunronde en tweede ronde kan in enige ander amptelike Suid-Afrikaanse taal aangebied word, maar die kandidaat moet ’n opsomming of vertaling daarvan vooraf aan die beoordelaars verskaf.
- Daar sal streng gelet word op die tydsbeperking soos aangedui onder algemene inligting. Indien deelnemers langer as die voorgeskrewe tyd optree, sal hulle gestop word.
- Alle hoërskoolleerders (graad 8 tot 12) mag inskryf, maar almal kompeteer op dieselfde vlak.
- Inskrywings word aanlyn ingedien by proscenium.pro
- ’n Inskrywingsfooi van R200,00 per inskrywing is betaalbaar via PayFast.
- Ná die sluitingsdatum (26 Januarie 2024) sal deelnemers deur organiseerders ingelig word oor ’n spesifieke tyd van optrede in die uitdunronde.
- Elke skool, privaat dramaskool of onderwyser mag deelnemers inskryf. Deelnemers kan ook op hulle eie inskryf.
- Kandidate neem individueel deel, alhoewel hulle onder die skool, privaat dramaskool of onderwyser se naam inskryf.
- Beoordeling word deur kundige professionele beoordelaars gedoen soos deur die organiseerders van die kompetisie aangewys.
- Ná 26 Maart 2024 sal die 60 gekeurde deelnemers deur organiseerders van die finale rondes in kennis gestel word. Dit vind op 9, 10 en 11 Mei 2024 in die Kunstekaap Teater in Kaapstad plaas.
- Ná die finale ronde op 11 Mei word alle wenners tydens die prysuitdeling in die Kunstekaap Teater in Kaapstad aangekondig.
- Die uitslag is finaal en die beoordelaars se puntetellings bly vertroulik.
Pryse
Medaljes en kontant
Medaljes en kontantpryse word toegeken vir die eerste drie plekke, asook die beste junior (graad 8 & 9).
Radiodrama
RSG kies akteurs uit die finale rondes om in ’n radiodrama te speel.
Sepie
KykNET kies ’n akteur uit die finaliste om in een van hulle sepies te speel.
Oorklanking
’n Oorklankingsgeleentheid by Overklank.
US-beurs
Graad 12-finaliste kan aansoek doen vir ’n WOW-beurs om aan die Universiteit Stellenbosch te studeer.
Northlink Kollege-beurs
Graad 12-finaliste kan aansoek doen vir ’n studiebeurs aan Northlink Kollege.
Sertifikate
Alle finaliste ontvang sertifikate.
Verhoogproduksie
Uit die finaliste word kandidate gekies om ’n rolverdeling te vul vir ’n verhoogproduksie wat onder leiding van ’n professionele regisseur by ’n kunstefees opgevoer sal word.
